Oma

                                       Oma
                             

Naszo Oma geburstag mo
Kożdy dziś jej gyszynk do
Będą życzenia i kusiki
Kożdy się ciśnie
Nawet małe smyki
Stół tisztuchem nakryty
Na fynsterbrecie blumy woniają
A po izbie bajtle lotają
Już bonkawa we dzbonkach stoi
Jest torta i kołocz z posypką
Szałot we misce a wuszt
Na piecu się grzeje
A naszo Oma szczęśliwo się śmieje
Raduje się, że  familijo cołko
Zaś przy sobie mo
A Ujek sto lot na harmonijce gro
                              Luty 2013  
                                         Halina Lipka